Ընտրուեց Գերմանիոյ Հայոց Թեմի համար Առաջնորդական Տեղապահը

Այսու կը տեղեկացնենք Գերմանիոյ Հայոց Թեմի թեմական եւ համայնքային մարմիններուն եւ մերազն ժողովուրդին, որ Ն.Ս.Օ.Տ.Տ. Գարեգին Բ Ամենայն Հայոց Կաթողիկոսը 9 Յունուար 2018 թուակիր նամակով ընդունած է Թեմիս բարեջան Առաջնորդ Բրձշ. Տ. Գարեգին Արքեպս. Պեքճեանի հրաժարականը եւ տուած է Հայրապետական իր օրհնութիւնը` ընտրելու Գերմանիոյ Հայոց Թեմի համար Առաջնորդական Տեղապահ մը:

Գերմանիոյ Հայոց Թեմի Թեմական Խորհուրդը իր 12 Յունուար 2018 արտահերթ նիստին, զոր կը նախագահէր Թեմակալ Առաջնորդ Գարեգին Արքեպս. Պեքճեան, համաձայն թեմական կանոնադրութեան համապատասխան դրոյթներու, փակ-գաղտնի քուէարկութեամբ եւ միաձայնութեամբ Հոգշ. Տ. Սերովբէ Վրդ. Իսախանեանը ընտրեց որպէս Գերմանիոյ Հայոց Թեմի Առաջնորդական Տեղապահ:

Թեմական Խորհուրդը իր 14 Յունուար 2018 թուակիր նամակով ընտրութեան արդիւնքը հաղորդեց Գարեգին Բ Վեհափառ Հայրապետին, խնդրելով Նորին Սրբութեան` վաւերացնել տեղապահական ընտրութիւնը, ինչպէս նաեւ hայրապետական օրհնութիւնը փոխանցել նորընտիր Առաջնորդական Տեղապահ Հոգշ. Տ. Սերովբէ Վրդ. Իսախանեանին:

Դիւան Առաջնորդարանի