Սերժ Սարգսյանն ու Գագիկ Ծառուկյանը պայմանավորվե՞լ են

«Ժամանակի» տեղեկություններով՝ ՀՀԿ եւ ԲՀԿ կուսակցությունների միջեւ պայմանավորվածություն է ձեռք բերվել Երեւանի ավագանու ընտրությունների հետ կապված։

«Խոսքը, մասնավորապես, ընտրակաշառքներ բաժանելու քվոտավորմանն է վերաբերում։
Հայտնի է, որ անցած շաբաթ նախագահական նստավայրում հանդիպել են ՀՀԿ եւ ԲՀԿ ղեկավարներ Սերժ Սարգսյանն ու Գագիկ Ծառուկյանը։

Մեր ունեցած տեղեկություններով՝ նրանք քննարկել են նաեւ այս ընտրությունների հետ կապված հարցեր, իսկ երկուստեք ձեռք բերված պայմանավորվածությունների արդյունքում ԲՀԿ-ին թուլ է տրվել որոշ չափով կաշառք բաժանել։ Ընդ որում՝ Գ. Ծառուկյանը ցանկություն է հայտնել, որ ոչ թե «Ժառանգությունը», այլ ԲՀԿ-ն պետք է երկրորդ տեղում լինի։ Քաղաքական կուլիսներում շրջանառվող խոսակցությունների համաձայն՝ Սերժ Սարգսյանը ոչ լիարժեք, բայց հասկացրել է, թե կարող են հույս ունենալ եւ այդ ուղղությամբ աշխատել..»,- գրում է «Ժամանակը» (Մանրամասները՝ թերթի այսօրվա համարում)։