«Մանչեսթեր Սիթիի» գլխավոր մարզիչ Խոսեպ Գվարդիոլան կարծիք է հայտնել Անգլիայի գավաթի 1/16 եզրափակչում «Քարդիֆ Սիթիի» դեմ կայացած խաղի (2:0), ինչպես նաև բոլոր մրցաշարերում չեմպիոն դառնալու հեռանկարների մասին: «Քաղաքայինները» 12 միավորի առավելությամբ գխավորում են Պրեմիեր լիգայի մրցաշարային աղյուսակը, Լիգայի գավաթում հասել են եզրափակիչ, իսկ Անգլիայի գավաթում ու Չեմպիոնների լիգայում` 1/8 եզրափակիչ:
«Անհասկանալի է, թե ինչու չեղյալ հայտարարվեց Բերնարդու Սիլվայի գոլը: Երբեք նման բան չէի տեսել: Դրա հետ դեռ կարող եմ համակերպվել, եթե մրցավարները կոպիտ խաղի դեպքում պաշտպանեն ֆուտբոլիստներին: Ոչ միայն իմ խաղացողներին, այլ բոլորին: Նմանատիպ կոպիտ խաղի արդյունքում Սանեն վնասվածք ստացավ, փոխարինվեց և դուրս մնաց շարքից: Դեռ չգիտեմ` որքան ժամանակով:
Չեմ կարծում, թե կարող ենք չեմպիոն դառնալ բոլոր չորս մրցաշարերում: Երբ ինձ հարցնում էին ԱՊԼ-ում անպարտելի մնալու մասին, ասացի, որ դա անհնար է, այդպես էլ եղավ: Հիմա ասում եմ, որ բոլոր չորս տիտղոսները հաղթել հնարավոր չէ, որովհետև բավականաչափ ֆուտբոլիստ չունեմ, շատերը վնասվածքներ են ստացել»,- կատալոնացու խոսքերն է մեջբերում BBC Sport-ը։
