«Մանչեսթեր Սիթիի» հարձակվողը շարք է վերադարձել

«Մանչեսթեր Սիթիի» հարձակվող Գաբրիել Ժեզուսը փետրվարի 16-ին վերսկսել է մարզումներն ընդհանուր խմբում։ Այս մասին հայտարարել է «քաղաքայինների» գլխավոր մարզիչ Խոսեպ Գվարդիոլան։

Հիշեցնենք, որ Ժեզուսը ծնկի վնասվածք էր ստացել Անգլիայի Պրեմիեր լիգայի 21-րդ տուրի՝ «Քրիսթալ Փելասի» հետ (0:0) դեկտեմբերի 31-ին կայացած խաղում, որից հետո խաղադաշտ դուրս չի եկել։

«Լավ նորություն՝ Ժեզուսն այսօրվանից մարզվում է ընդհանուր խմբում։ Չգիտեմ՝ կոնկրետ երբ նա կկարողանա խաղալ, սակայն սա կարևոր քայլ է երկու շաբաթ տևած անհատական մարզումներից հետո»,- ասել է Գվարդիոլան։

Խոսեպ Գվարդիոլան նաև տեղեկացրել է, որ Ժեզուսը չի մասնակցելու Անգլիայի գավաթի խաղարկության 1/8 եզրափակիչ փուլի՝ «Ուիգան Ատլետիկի» հետ փետրվարի 19-ին կայանալիք խաղին։