«Մանչեսթեր Սիթին» պարտվեց երրորդ դիվիզիոնի թիմին ու դուրս մնաց Անգլիայի գավաթից (տեսանյութ)

Անգլիայի գավաթի 1/8 եզրափակչում «Մանչեսթեր Սիթին» հյուրընկալվել է Առաջին լիգան (երրորդ դիվիզիոն) ներկայացնող «Ուիգանին» ու անակնկալ պարտություն կրել:

Ամբողջ խաղի ընթացքում «քաղաքայինները» հսկայական առավելություն են ունեցել, սակայն չեն կարողացել իրացնել իրենց գոլային պահերը: Առաջին խաղակեսին ավելացրած ժամանակում «բաց ոտքով» սահանկման համար կարմիր քարտ է ստացել մանչեսթերցիների ձախ պաշտան Ֆաբիան Դելֆը: Անգլիացին խաղացել է գնդակին, սակայն մրցավարը նման տեսակի սահանկումը վտանգավոր է համարել ու հեռացրել է Դելֆին:

Այդ դրվագը վիճաբանություն է առաջացրել պահեստայինների նստարանի մոտ, որտեղ երկու թիմերի մարզիչները Խոսեպ Գվարդիոլան և Փոլ Կուկը բղավել են միմյանց վրա: Վեճը շարունակվել է նաև ընդմիջման ժամանակ` մարզադաշտի թունելում:

10 ֆուտբոլիստով մնացած «Մանչեսթեր Սիթին» երկրորդ կեսում էլ ավելի լավ է սկսել գործել, սակայն 79-րդ րոպեին փոխարինման մտած Կայլ Ուոքերը պարզ իրավիճակում կոպիտ սխալ է թույլ տվել, որից օգտվել է տանտերերի հարձակվող Ուիլ Գրիգը:

Քառորդ եզրափակչում «Ուիգանը» մրցելու է «Սաութհեմփթոնի» հետ:

Տեսանյութ