«Լիվերպուլի» գլխավոր մարզիչ Յուրգեն Կլոպը կարծիք է հայտնել Չեմպիոնների լիգայի քառորդ եզրափակչում «Մանչեսթեր Սիթիի» դեմ խաղի (3:0) մասին:
«Չէինք սպասում, որ նման հաշիվ կգրանցվի: Առաջին խաղակեսը հիասքանչ էր: Հենց այդպիսին պետք է լինի մեր ֆուտբոլը: Երկրորդ կեսում պետք է ավելի լավ գործեինք: Դեռ ոչինչ որոշված չէ: Չի կարելի խնջույքը սկսել մեկնարկից առաջ: Ընդամենը դիմակայության առաջին կեսն ենք հաղթել:
Մրցակիցը շատ պահեր չուներ: Եթե կարողանանք նման թիմերի դեմ ավելի լավ վերահսկել հանդիպման ընթացքը, Պրեմիեր լիգայի մրցաշարային աղյուսակում ավելի բարձր տեղում կլինենք:
Սալահին կորցրեցինք վնասվածքի պատճառով, իսկ Հենդերսոնին` որակազրկման: Մոհամեդն ասաց, որ լուրջ բան չկա:
Եթե ցանկանում ենք նմանատիպ շատ խաղերի ականատես լինել, Պրեմիեր լիգան պետք է փոխի օրացույցը»,- գերմանացու խոսքերն է փոխանցում bbc.com-ը:
