Պաշտոնական. Տորրեսը հեռանալու է «Ատլետիկոյից»

Պաշտոնական. Տորրեսը հեռանալու է «Ատլետիկոյից»

Մադրիդի «Ատլետիկոյի» հարձակվող Ֆերնանդո Տորրեսն ընթացիկ մրցաշրջանից հետո հեռանալու է ակումբից: Այդ մասին հայտնել է անձամբ ֆուտբոլիստը:

«Դժվար որոշում էր, այդ պատճառով այն վաղաժամ եմ հայտնում: Ինձ համար շատ ծանր է կրկին հրաժեշտ տալ «Ատլետիկոյին», որովհետև ցանկանում էի կարիերաս այստեղ ավարտել: Հեռանալու պատճառը խաղաժամանակն է, որը նախորդ մրցաշրջանի համեմատ կրճատվել է:

Ցանկանում եմ շարունակել ևս երկու-երեք կամ նույնիսկ հինգ տարի խաղալ»,- իսպանացու խոսքն է մեջբերում marca.com-ը:

Հիշեցնենք, որ 34-ամյա ֆուտբոլիստն «Ատլետիկոյի» սանն է: Նա մադրիդցիների գլխավոր թիմում է խաղացել 2001-2007 թվականների ընթացքում, իսկ 2016-ին վերադարձել հարազատ ակումբ: Մինչև այդ նա հանդես է եկել «Լիվերպուլի», «Չելսիի» ու «Միլանի» կազմում:

Հետևեք մեզ նաև Telegram-ում