ՉԼ․ «Լիվերպուլը» կրկին հաղթեց «Ման․ Սիթիին» և դուրս եկավ կիսաեզրափակիչ (տեսանյութ)

«Մանչեսթեր Սիթին» դուրս մնաց Չեմպիոնների լիգայի 2017-18թթ․ խաղարկության 1/4 եզրափակչից՝ «Լիվերպուլի» հետ դիմակայության երկու խաղերում էլ պարտություն կրելով։

Արտագնա խաղում Խոսեպ Գվարդիոլայի թիմը զիջել էր 0։3 հաշվով, իսկ սեփական հարկի տակ պարտվեց 1։2 հաշվով։ «Քաղաքայինները» լավ սկսեցին հանդիպումը, և արդեն երկրորդ րոպեին Գաբրիել Ժեզուշը բացեց հաշիվը։ Առաջին կեսում Յուրգեն Կլոպի թիմին հաջողվեց դիմանալ ճնշմանը, իսկ երկրորդ կեսում հյուրերը 2 գոլ խփեցին: Մեկական գոլով աչքի ընկան Մոհամեդ Սալահը և Ռոբերտո Ֆիրմինոն։

Չեմպիոնների լիգա, 1/4 եզրափակիչ, պատասխան հանդիպում

«Մանչեսթեր Սիթի» – «Լիվերպուլ»՝ 1։2 (ընդհանուր՝ 1։5)
Գոլերը՝ Ժեզուշ 2՛ – Սալահ 56՛, Ֆիրմինո 77՛