«Մանչեսթեր Սիթիի» գլխավոր մարզիչ Խոսեպ Գվարդիոլան պատմել է, թե Չեմպիոնների լիգայի քառորդ եզրափակչի «Լիվերպուլի» դեմ պատասխան խաղի (1:2) ժամանակ ինչու է հեռացվել տեխնիկական գոտուց:
Կատալոնացի մասնագետը բուռն դժգոհություն է հայտնել, երբ 1:0 հաշվի ժամանակ մրցավար Մատեո Լաոսը սխալմամբ չի հաշվել Լերոյ Սանեի խփած գոլը: Գնդակը գերմանացու մոտ է հայտնվել «կարմիրների» կիսապաշտպան Ջեյմս Միլներից, սակայն մրցավարները խաղից դուրս են արձանագրել:
«Ասացի, որ Սանեի գոլը հարկավոր էր հաշվել: Ինձ դրա համար հեռացրեցին: Այդ գոլից հետո հաշիվը կարող էր 2:0 դառնալ: Այդ մրցավարը սիրում է միշտ ուշադրության կենտրոնում հայտնվել:
Ամեն ինչ կարող էր այլ կերպ լինել: Առաջին մրցավեճում մրցավարները հաշվեցին խաղից դուրս վիճակից Սալահի խփած գոլը, սակայն չգրանցեց նմանատիպ իրավիճակում Ժեզուսի գնդակը: Չեմպիոնների լիգայում բոլոր թիմերը հավասարազոր են, այդ պատճառով մրցավարական վճիռները որոշիչ են դառնում:
Շնորհավորում եմ «Լիվերպուլին»: Հուսով եմ` նրանք կիսեզրափակչում արժանիորեն կներկայացնեն Անգլիան»,- Գվարդիոլայի խոսքերն է մեջբերում BBC Sport-ը:
