Եվս մեկ քայլ դեպի չեմպիոնությունը․ «Մանչեսթեր Սիթին» հաղթեց «Տոտենհեմին» (տեսանյութ)

Եվս մեկ քայլ դեպի չեմպիոնությունը․ «Մանչեսթեր Սիթին» հաղթեց «Տոտենհեմին» (տեսանյութ)

Անգլիայի Պրեմիեր լիգայի 34-րդ տուրում մրցաշարային աղյուսակի առաջատար «Մանչեսթեր Սիթին» արտագնա խաղում առավելության հասավ «Տոտենհեմի» նկատմամբ և այս հաղթանակի շնորհիվ ընդհուպ մոտեցավ առաջնության չեմպիոնի կոչմանը։

Լոնդոնի «Ուեմբլի» մարզադաշտում կայացած խաղն ավարտվեց 1։3 հաշվով․ «քաղաքայինների» կազմում գոլերով աչքի ընկան Գաբրիել Ժեզուշը, Իլկայ Գյունդողանը և Ռահիմ Սթերլինգը, իսկ «Տոտենհեմի» միակ գոլը խփեց Քրիստիան Էրիքսենը։

Այս հաղթանակից հետո Խոսեպ Գվարդիոլայի թիմն ունի 87 միավոր (33 խաղ) և երկրորդ տեղում գտնվող «Մանչեսթեր Յունայթեդին» (32 խաղ) գերազանցում է 16 միավորով։ «Տոտենհեմն» ունի 67 միավոր և եզրափակում է լավագույն քառյակը։

Անգլիայի Պրեմիեր լիգա, 34-րդ տուր

«Տոտենհեմ» – «Մանչեսթեր Սիթի»՝ 1։3
Գոլերը՝ Էրիքսեն 42՛ – Ժեզուշ 22՛, Գյունդողան 25՛ / 11-մետրանոց, Սթերլինգ 72՛

Հետևեք մեզ նաև Telegram-ում