Ստամբուլի հայկական եկեղեցում պատարագի ժամանակ կրակոցներ են հնչել
05/05/2013 16:59
Նմանատիպ
Թուրքիայում անհայտ անձը կրակ է արձակել, երբ հայկական եկեղեցում պատարագ էր մատուցվում:
Ստամբուլի Գումգափու թաղամասում գտնվող Հայոց պատրիարքարանի եկեղեցու առջև անհայտ տղամարդը հրազենով 7 կրակոց է արձակել դեպի օդ և դիմել փախուստի:
Միջադեպի հետևանքով տուժածներ չեն եղել, սակայն կրակոցները խուճապ են առաջացրել եկեղեցում հավաքված հայերի շրջանում: Կրակ արձակած տղամարդը դեռ չի ձերբակալվել:
Նշվում է, որ միջադեպը հետևել է Թուրքիայի ամենահայատյաց կազմակերպություններից ԱՍԻՄ ԴԵՐ-ի իրականացրած ակցիային, որի ժամանակ Ստամբուլում հրատարակվող հայկական «Ակօս» երկշաբաթերթի օրինակներ են այրվել:
Այս մասին տեղեկացնում է HayNews.am-ը:
Հետևեք մեզ նաև Telegram-ում