18:00-ի դրությամբ ոստիկանությունը գրանցել է 56 ընտրախախտման մասին տեղեկատվություն
05/05/2013 19:07
Նմանատիպ
ՀՀ ոստիկանությունը հրապարակել է Երևանի ավագանու ընտրությունների քվեարկության օրը ընտրախախտումների դեպքերով ՀՀ ոստիկանության կողմից կատարվող քննությունների վերաբերյալ տեղեկատվություն 05.05.2013 թ. ժամը 18.00-ի դրությամբ:
Ըստ տեղեկատվության, մինչեւ նշված պահը ոստիկանություն գրանցվել է 56 ընտրախախտման մասին հաղորդագրություն:
Դրանց մեջ մեծ տեղ են զբաղեցնում ընտրակաշառքների, մեկից անգամ ավել քվեարկության, ընտրատեղամասերում ճնշումների, ընտրատեղամասերի տարածքում կուտակումների մասին հաղորդագրությունները:
Ոստիկանությունը նյութեր է նախապատրաստում նշված տեղեկություններն ստուգելու եւ հետաքննություն սկսելու համար:
Հետևեք մեզ նաև Telegram-ում