«Քաղաքը ջազ է երգում». մրցույթ ջազի սիրահարների համար

«Հայկական Ջազ» նախագիծը և «Շարմ Հոլդինգը» ջազի սիրահարներին հրավիրում են մասնակցելու «Քաղաքը ՋԱԶ է երգում» խորագրով մրցույթին: Բոլոր ցանկացողները կարող են տեսագրել կամ ձայնագրել իրենց ջազային կատարումը և ուղարկել pr@armenianjazz.am էլեկտրոնային հասցեին: Տեսանյութերն ու ձայնագրությունները կարող են լինել ինչպես պրոֆեսիոնալ, այնպես էլ սիրողական (այդ թվում’ բջջային հեռախոս, վեբ-տեսախցիկ): Երգերը կարող են լինել ինչպես հեղինակային, այնպես էլ համաշխարհային ջազային հիթեր: Վերջում պետք է ասել՝ «Հատուկ Armenianjazz.am կայքի համար»:

Տեսանյութերն ու ձայնագրություններն ընդունվում են մայիսի 2-ից մինչև հունիսի 30-ը:

Տեսագրություններն ու ձայնագրությունները կտեղադրվեն «Հայկական Ջազ» նախագծի Youtube ալիքում և կայքում՝ բաց քվեարկության: Youtube –ում և կայքում առավել շատ ձայներ ստացած մասնակիցները կանցնեն երկրորդ փուլ, որտեղ պրոֆեսիոնալ ժյուրին կընտրի հաղթողին: Ժյուրիի կազմում են՝ Արմեն Մանուկյանը/www.armenianjazz.am կայքի գլխավոր խմբագիր/,Արման Ավետիսյանը/«S’Harmony music Studiօ»-ի հնչյունային ռեժիսոր/,Վահագն Հայրապետյան/ջազ երաժիշտ/, Արթուր Ասատրյանը /երաժշտական պրոդյուսեր, Հայաստանի պետական ջազ նվագախմբի տնօրեն/, Արմեն Հյուսնուցը /Հայաստանի պետական ջազ նվագախմբի ղեկավար/:

Հաղթողը հնարավորություն կսատանա ձայանգրվել Շարմ Հոլդինգի «S’Harmony music Studiօ»-ում: 

Այս մասին հայտնում է armenianjazz.am կայքը: