Յուրի Վարդանյանը կնշանակվի՞ սպորտի նախարար

Այսօր երեկոյան արդեն պարզ կլինի ամբողջ կառավարության կազմը։

ՀՀԿ ԳՄ այսօրվա նիստի ժամանակ որոշելու են, թե որ գրեատեսչությունն ով է ղեկավարելու։ Նկատենք, որ Պաշտպանության եւ Արտաքին գործերի նախարարներն արդեն նշանակված են. ՊՆ ղեկավարում է Սեյրան Օհանյանը, ԱԳՆ-ն’ Էդվարդ Նալբանդյանը։

Նշենք, որ արդեն տեղեկություններ են շրջանառվում այն մասին, որ Սպորտի նախարար է նշանակվելու լեգենդար ծանրորդ Յուրի Վարդանյանը։

Նշենք, որ նա փոխարինելու է ԲՀԿ-ական Հրաչյա Ռոստոմյանին:

Այս տեղեկությունը HayNews.am-ը փորձեց ճշտել հենց Յուրի Վարդանյանից։ Նրա օգնականը հաստատեց տեղեկություններն’ ասելով. «Այս պահին նա զբաղված է, բայց նշեմ, որ այո, հենց նա է լինելու Սպորտի նախարար»։