Արև,արև,ուր ես կորել
25/05/2018 14:43
Նմանատիպ
Արև,արև,ուր ես կորել,
Մութ ամպերն են հավաքվել,
Բան չեմ տեսնում ամպից վերև,
Բակում երկինքն է կախվել:
Ամպը ամպից ոնց է պայթում,
Կուլ են տալիս իրարու,
Կայծակներով իրար խայթում,
Տեսնես երբ են գնալու:
Գնամ տանը մնամ թաքուն,
Մինչև ամպրոպը անցնի,
Մի ամպիկ է լալիս բակում,
Անձրևը ձայնն է լացի:
Արև, արի խաղանք ուրախ,
Թրջվելուց մի ամաչի,
Փոքրիկ ամպից ես չունեմ վախ,
Դու նրա հետ բակ իջի:
Հասմիկ ԱՋԱՄՅԱՆ
Աղբյուր՝ heqiat.am։
