Ադրբեջանում համաներումը չտարածվեց ակտիվիստների վրա

Ադրբեջանի Միլի մեջլիսում քննարկվել և ընդունել է Համաներման մասին ակտը, որն ընդհանուր առմամբ տարածվելու է 9 000 բանտարկյալի վրա: Ադրբեջանական Contact.az կայքըի տեղեկացմամբ համաներումը չի առնչվում այն հոդվածներին, որոնց հատկանիշներով դատապարտվել են քաղաքական, կրոնական, քաղաքացիական ակտիվիստները:

Օրենքի ուժ մեջ մտնելուց հետո պատժի կրումից լրիվ ազատվելու են հետևյալ խմբերի բանտարկյալները

-Ոչ ծանր հանցագործություն կատարած կանայք

-Մինչև 18 տարեկանը հանացագործություն գործած անձինք

-Առաջին և երկորդ խմբի հաշմանդամները

-60 տարին բոլորած տղամարդիկ

– Բանտարկյալներ, որոնց խնամակալության տակ են գտնվում անչափահաս կամ առաջին և երկրորդ խմբի հաշմանդամ երեխաներ

-Ադրբեջանի տարածքային ամբողջականության համար մղված մարտերի մասնակից-բանտարկյալները

-Փախստականներ և տեղահանված անձինք

Հիշեցնենք, որ համաներումը հայտարարվել է Ադրբեջանի հանգուցյալ նախագահ Հեյդար Ալիևի ծննդյան 90 ամյակին ընդառաջ, իսկ օրինագծի հեղինակը Ադրբեջանի ներկայիս առաջին տիկին Մեհրիբան Ալիևան է: