ՀՀ կառավարության աշխատակազմի ղեկավարին տրվեց նախարարի կարգավիճակ
Նմանատիպ
ՀՀ կառավարության աշխատակազմի ղեկավարին տրվեց նախարարի կարգավիճակ: ՀՀ կառավարությունը հաստատեց այդ լիազորությունը նախատեսող համապատասխան որոշումը:
Ըստ վարչապետ Տիգրան Սարգսյանի’ այդ որոշմամբ կառավարության աշխատակազմի նորանշանակ ղեկավար Վաչե Գաբրիելյանի վրա դրված աշխատանքային ծանրությունն ավելանալու է:
«Պարոն Գաբրիելյանը նաև կոորդինացնելու է կրթության, առողջապահության և կառավարման համակարգի ոլորտներում իրականացվող բարեփոխումները: Սա բխում է նաև այն գաղափարախոսությունից, որ Հայաստանի նախագահը մի քանի անգամ հնչեցրել է. նպատակահարմար է ապագայում կատարել սահմանադրական փոփոխություններ և ավելացնել փոխվարչապետների պաշտոններ»,- ասաց վարչապետ:
Վաչե Գաբրիելյանը ՀՀ կառավարության աշխատակազմի ղեկավարի պաշտոնում փոխարինել է Դավիթ Սարգսյանին: Իսկ Դավիթ Սարգսյաննն էլ կղեկավարի ՀՀ ֆինանսների նախարարությունը:
Հետևեք մեզ նաև Telegram-ում