Ծառուկյանը հազար մարդ էր հրավիրել «Փարավոն» զվարճանքի սրահ
Նմանատիպ
«Հրապարակը» գրում է, թե «Փարավոն» զվարճանքի եւ հանդիսությունների սրահում երեկ, ժամը 19-ին հավաքվել էր ողջ հայկական էլիտան՝ մոտ հազար մարդ: Կենտրոնում ՀՀ երկու նախագահներն են եղել. Սերժ Սարգսյանի մի կողքին նստած է եղել Լուկաշենկոն, մյուս կողքին՝ Ռոբերտ Քոչարյանը:
Սեղանների շուրջ նստած են եղել վաղուց մոռացված եւ քաղաքական դաշտից դուրս եկած անձինք: Ծառուկյանը որոշել էր աննախադեպ համազգային հավաք անել՝ բոլոր դաշտերի ներկայացուցիչների մասնակցությամբ:
Երեկոյի համերգային ծրագիրը բացել է Իսրայելից ժամանած խումբը, որից հետո հանդես են եկել ռուսական եւ հայկական խմբեր: Խնջույքն սկսել են եկեղեցու բացման, ապա ծնողների եւ Սերժ Սարգսյանի կենացը խմելով: Հետո հաջորդել են Լուկաշենկոյի ու Քոչարյանի կենացները: Մեկուկես ժամից Սերժ Սարգսյանն ու Լուկաշենկոն հեռացել են, քանի որ երեկոյան Բատկան պետք է արդեն մեկներ հայրենի Բելառուս:
Հետևեք մեզ նաև Telegram-ում