«Գեղեցիկ, բայց համեստ». Ջիվան Գասպարյանը նախարարի հետ քննարկել է իր 90-ամյակ համերգի մանրամասները

22/08/2018 19:46

Դուդուկի Վարպետն այսօր մշակույթի նախարությունում` Լիլիթ Մակունցի հետ քննարկել է իր համերգի մանրամասները:

Աշխարհահռչակ երաժիշտ Ջիվան Գասպարյանն այս տարի տոնում է 90-ամյակը:

Վարպետի ծննդյան օրը հոկտեմբերի 12-ին է, բայց Երևանում հոբելյանական համերգը տեղի կունենա նոյեմբերի 26-ին:

ՀՀ մշակույթի նախարարությունից հայտնում են՝ Ջիվան Գասպարյանի ցանկությունն է, որ այս տարի այն նշվի «գեղեցիկ, բայց համեստ»:

«Պետք է անենք ամեն ինչ, որպեսզի այն լինի տարվա ամենավառ միջոցառումներից մեկը»,- ամփոփելով հանդիպումը՝ նշել է մշակույթի նախարար Լիլիթ Մակունցը:

Աղբյուր՝ Panorama.am: