Եթե ազատամարտիկների պահանջները չբավարարվեն, նրանք չեն դադարեցնի պայքարը
25/05/2013 10:02
Նմանատիպ
Մայիսի 28-ին Ազատության հրապարակում կրկին հավաքվելու են մի խումբ ազատամարտիկներ’որոշելու իրենց հետագա քայլերը: Այս մասին երեկ «Հայկական ժամանակ»-ին հայտնել է ազատամարտիկ Վոլոդյա Ավետիսյանը:
Նա նշել է, որ արդեն տևական ժամանակ է սպասում են, որ իրենց դիմումին պատասխան տրվի, բայց «էսօր-էքուց» են անում: Ազատամարտիկի խոսքերով’երեկվա դրությամբ պատասխան չկար, մինչդեռ նախօրեին կառավարությունից ասել էին, որ ֆիննախարարությունում քննարկվում է դիմումը և պատասխան կլինի շուտով: «Իրենք պետք է ընդունեն մեր պահանջները, հակառակ դեպքում մենք ամեն ձև պայքարելու ենք»,-ասել է Վոլոդյա Ավետիսյանը և նշել, որ պատրաստ են նույնիսկ ծայրահեղ քայլերի դիմել: Նա հայտարարել է, որ եթե իրենց պահանջները չբավարարվեն, ապա չեն դադարեցնելու պայքարը:
Հետևեք մեզ նաև Telegram-ում