Սերգեյ Բեզռուկովը՝ տարվա լավագույն դերասան

Համաձայն անցկացրած սոցիալական հարցումների՝ ռուսաստանցիները Սերգեյ Բեզռուկովին համարել են տարվա լավագույն դերասան, գրում է ՌԻԱ Նովոստին:

Այդ կոչմանը նա արժանանում է մի քանի տարի անընդմեջ: Բեզռուկովին ընտրել են հարցվածների 8 տոկոսը:

Նրան հաջորդում են Կոնստանտին Խաբենսկին (5 տոկոս) և Վլադիմիր Մաշկովը (4 տոկոս):
2018-ի լավագույն երաժիշտն էլ, ըստ հարցվածների, ճանաչվել է Ֆիլիպ Կիրկորովը: Նրան ընտրել են հարցվածների 10 տոկոսը: Երկրորդ տեղում հայտնվել է դաշնակահար Դենիս Մացուևը (6 տոկոս), երրորդ տեղում` Նիկոլայ Բասկովը (5 տոկսո): Նրանց հաջորդում են Ալլա Պուգաչովան, մեկ տարի առաջ մահացած օպերային երգիչ Դմիտրի Խվորոստովսկին և Սերգեյ Շնուրովը:

Ուսումնասիրության մեջ նշված է, որ ամենադժվարը եղել է գրողների ընտրությունը:

Այսպիսով, տարվա լավագույն գրող է ճանաչվել Դարյա Դոնցովան:

Ամենահայտնի հեռուստատեսային հաղորդում է ճանաչվել «Ռոսիա-1» հեռուստաալիքով հեռարձակվող «60 րոպե» թոք-շոուն:

Աղբյուր` Panorama.am: