Դահուկավազքի Հայաստանի առաջնության առաջատարներն Աշոցքի ներկայացուցիչներն են
Նմանատիպ
ԵՐԵՎԱՆ, 8 ՀՈՒՆՎԱՐԻ, ԱՐՄԵՆՊՐԵՍ: Աշոցքում մեկնարկեց դահուկավազքի Հայաստանի մեծահասակների 2019 թվականի առաջնությունը:
«Արմենպրես»-ի հաղորդմամբ` առաջնությունում դեռևս բացարձակ առաջատարը Միքայել Միքայելյանն է: Տղամարդկանց ազատ ոճ մրցաձևում լավագույն եռյակն ունի հետևյալ կազմը` Միքայել Միքայելյան (ՖԻՄԱ/Աշոցք), Թադևոս Պողոսյան (Աշոցք), Մյասնիկ Ղարիբյան (Գյումրի): Կանանց ազատ ոճում լավագույնը Աշոցքից Կատյա Գալստյանն է: Աննա Ռաշոյանը Գյումրիից արժանացավ արծաթե մեդալի, իսկ Վարսենիկ Ավետիսյանը` բրոնզե մեդալի:
Դասական ոճում տղամարկանց եռյակում փոփոխություն չկա` Միքայել Միքայելյան (ՖԻՄԱ/Աշոցք), Թադևոս Պողոսյան (Աշոցք), Մյասնիկ Ղարիբյան (Գյումրի): Իսկ կանանց մրցավազքում մեդալակիրներ դարձան Կատյա Գալստյանը, Աննա Ռաշոյանը և Նելի Խաչատրյանը:
Դահուկորդները ևս մեկ մեկնարկում կունենան հունվարի 9-ին:
Հետևեք մեզ նաև Telegram-ում
