Պոլսահայ գրողին սպառնում է Դինքի ճակատագիրը

Պոլսահայ հայտնի գրող, հրապարակախոս, ձեռներեց Սևան Նիշանյանի նկատմամբ սպառնալիքներ են տարածվել համացանցում: Այս մասին հայտնում է Ermenihaber-ը:

Twitter միկրոբլոգում Ֆուրքան Ջոշքուներ անունով օգտատերը հետևյալ գրառումն է արել.
«Սևան Նիշանյան,«Ակոս» թերթի շենքի դիմաց ճակատից խփված ընկնելու քո ժամանակն էլ մոտ է: Խելացի եղի´ր»:

Նույն օգտատերի մեկ այլ գրառումը նույնպես ուշագրավ է. «Ակոս թերթում բոլոր գրողնե՞րն են անբարոյականի զավակ, կրոնի թշնամի: Այո´: Մեկը’ Հրանտ Դինքը ոչնչացվեց, գնաց, հիմա էլ Սևան Նիշանյանը»:

Հիշեցնենք, որ Նիշանյանը իր բլոգում հրապարակած հայտնի հոդվածում Մուհամմեդ մարգարեին վիրավորելու փաստարկով թուրքական դատարանի կողմից դատապարտվել էր 13,5 ամսվա ազատազրկման: