ԵՐԵՎԱՆ, 24 ՀՈՒՆՎԱՐԻ, ԱՐՄԵՆՊՐԵՍ: Բելառուսի մայրաքաղաք Մինսկում մեկնարկած գեղասահքի Եվրոպայի առաջնությունում Հայաստանի ներկայացուցիչ Անաստասիա Գալուստյանը դուրս է եկել եզրափակիչ:
«Արմենպրես»-ի հաղորդմամբ` կանանց մենասահքի կարճ ծրագրում Գալուստյանը հավաքել է 48.38 միավոր և գրավելով 21-րդ տեղը` հաղթահարել է որակավորման փուլի արգելքը:
Կարճ ծրագրից հետո առաջատարը Ռուսաստանի ներկայացուցիչ Ալինա Զագիտովան առաջին տեղում է:
Հունվարի 24-ին տղամարդիկ հանդես կգան կարճ ծրագրով: Կանանց ազատ ծրագիրը կլինի հունվարի 25-ին, իսկ տղամարդկանցը` հունվարի 26-ին:
