ԵՐԵՎԱՆ, 2 ՓԵՏՐՎԱՐԻ, ԱՐՄԵՆՊՐԵՍ: Մեկնարկեց գնդակային հրաձգության Հայաստանի մեծահասակների առաջնությունը:
«Արմենպրես»-ի հաղորդմամբ` նրցմանը մասնակցում է Հայաստանի ուժեղագույն 60 մարզիկ: Այսուհետ Հայաստանի Հանրապետության առաջնություններում կավելանա ևս մի վարժություն, որը կոչվում է միքս: Միքս վարժությունը իրենից ներկայացնում է թիմերի պայքար, որտեղ թիմերը կազմված են զույգերով (1 տղամարդ+1 կին):
Առաջնությանը մեկնարկը կտրվի փետրվարի 2-ին օդամղիչ հրացան, միքս ատրճանակ և վազող թիրախ վարժություններով:
