Եռօրյա այցով Հայաստան կժամանի ԵԽԽՎ նախագահ Ժան-Կլոդ Մինյոնը
29/05/2013 15:43
Նմանատիպ
Այսօր՝ մայիսի 29-ի երեկոյան, եռօրյա այցով Հայաստան կժամանի Եվրոպայի խորհրդի խորհրդարանական վեհաժողովի նախագահ Ժան-Կլոդ Մինյոնը: Այս մասին հայտնում են ԱԺ հասարակայնության հետ և մամուլի ծառայությունից:
Այցի ընթացքում ԵԽԽՎ նախագահը կհանդիպի ՀՀ Նախագահ Սերժ Սարգսյանի, ՀՀ ԱԺ նախագահ Հովիկ Աբրահամյանի, ԱԳ նախարար Էդվարդ Նալբանդյանի հետ: ԵԽԽՎ նախագահը կմասնակցի Երևանում կայանալիք ԵԽԽՎ մշտական հանձնաժողովի և Բյուրոյի նիստերին:
ԵԽԽՎ նախագահ Ժան-Կլոդ Մինյոնի գլխավորած պատվիրակությունը կայցելի Ծիծեռնակաբերդի հուշահամալիր:
Հետևեք մեզ նաև Telegram-ում