Սամվել Ալեքսանյանի 25-ամյա եղբորորդին` Մալաթիա-Սեբաստիա վարչական շրջանի ղեկավար
Նմանատիպ
Մենք տեղեկացրել էինք, որ Երեւանի քաղաքապետի ընտրությունից եւ ինաուգուրացիայից հետո Երեւանի փոխքաղաքապետ է դառնալու Մալաթիա-Սեբաստիա վարչական շրջանի ներկայիս ղեկավար Դավիթ Օհանյանը: Այս մասին գրում է «Հայկական ժամանակ» թերթը եւ հավելում. «Նրա փոխարեն էլ, ինչպես հայտնել էին մեր աղբյուրները, թաղապետ է նշանակվելու ԱԺ պատգամավոր Սամվել Ալեքսանյանի եղբորորդին: Օհանյանը, սակայն, մեր հրապարակման հաջորդ իսկ օրը շտապեց հերքել մեր տեղեկությունը:
Իրականում, օրերս Մալաթիա-Սեբաստիայի թաղապետարանում ժողով է եղել, որին մասնակցել է նաեւ Սամվել Ալեքսանյանի եղբորորդին’ Արտակ Ալեքսանյանը: Թաղապետարանում արդեն բոլորն են տեղյակ, որ հենց նա է լինելու իրենց ապագա ղեկավարը: Ի դեպ, երիտասարդ Ալեքսանյանը հենց այդ դիրքերից էլ խոսել է թաղապետարանի աշխատակիցների հետ: Նշենք, որ Արտակ Ալեքսանյանն ընդամենը 25 տարեկան է: Նա Սամվել Ալեքսանյանի’ տարիներ առաջ ինքնասպան եղած եղբոր որդին է»»,- գրում է «Հայկական ժամանակը» (Մանրամասները՝ թերթի այսօրվա համարում):
Հետևեք մեզ նաև Telegram-ում