Մարտի առաջին կեսին Հայաստան կժամանի Վրաստանի նախագահ Սալոմե Զուրաբիշվիլին

ԵՐԵՎԱՆ, 1 ՄԱՐՏԻ, Aysor.am: Aysor.am-ի աղբյուների տեղեկացմամբ, մարտի առաջին կեսին Հայաստան կժամանի Վրաստանի նախագահ Սալոմե Զուրաբիշվիլին։

Այս պահին դեռևս հստակեցված չէ՝ հարևան երկրի առաջնորդի այցը պաշտոնական, թե աշխատանքային բնույթի է։

Հիշեցնենք, որ Վրաստանի նախագահ Սալոմե Զուրաբիշվիլին փետրվարի 27-ին պաշտոնական այց էր կատարել Ադրբեջան: