Բակո Սահակյանն այցելել է Սյունիքի մարզ
Նմանատիպ
Արցախի Հանրապետության Նախագահ Բակո Սահակյանը հունիսի 1-ին աշխատանքային այցով ժամանել է ՀՀ Սյունիքի մարզ: Այս մասին հայտնում են Արցախի Հանրապետության Նախագահի Աշխատակազմի Տեղեկատվության Գլխավոր Վարչությունից:
Բակո Սահակյանն այցելել է Զանգեզուրի պղնձամոլիբդենային կոմբինատ եւ ծանոթացել նրա աշխատանքներին:
Նույն օրը երկրի ղեկավարը Կապան մարզկենտրոնում ծաղիկներ է դրել Գարեգին Նժդեհի հուշարձանին:
Այնուհետեւ երկրի ղեկավարն այցելել է տեղի կաթի եւ մսի վերամշակման գործարան, ծանոթացել արտադրական գործընթացին: Նախագահ Սահակյանը նշել է, որ Սյունիքի մարզն ունի արդյունաբերության զարգացման մեծ փորձ եւ ներուժ, որոնց ուսումնասիրությունն ու կիրառումը դրական ազդեցություն կունենա նաեւ Արցախի արդյունաբերական տարբեր ճյուղերի զարգացման վրա:
Նույն օրը Բակո Սահակյանն այցելել է Տաթեւի վանական համալիր:
Նախագահին ուղեկցում էին Սյունիքի մարզպետ Սուրեն Խաչատրյանը, ԼՂՀ պաշտոնյաներ, Սյունիքի մարզի տարբեր կառույցների ղեկավարներ:
Հետևեք մեզ նաև Telegram-ում