Հայաստանը ամբողջությամբ պետք է «լիսկայաթափել». Կարեն Քոչարյան

«Եթե չլինի արդարադատություն, Հայաստանում երկու բան է ծաղկելու’ սամասուդի ինստիտուտը, կամ լիսկաները, որոնք քիչ չեն Հայաստանում, որոնք այն աստիճան են հաբրգել, սանձերը կտրել, որ ոչ ոք չի կարողանում սանձերը բռնի», – լրագրողների հետ հանդիպման ժամանամկ նման կարծիք է հայտնել քաղտեխնոլոգ Կարեն Քոչարյանը’ խոսելով հունիսի 1-ին Գորիսում սպանության ելքով տեղի ունեցած միջադեպի մասին:

«Ինձ հավատ է ներշնչում ոստիկանությունը, որը Գյումրիում արեց մի բան, զինաթափեց Լիսկային: Եթե առաջ կրակում ու փախնում էին, հիմա այլևս չեն կարողանում փախնել», -Panorama.am-ի փոխամցմաբ` ասել է նա:

Ասուլիսին ներկա սոցիոլոգ Ահարոն Ադիբեկյանն նշել է, որ մեր մշակույթում բռնություն է առկա ու դա կարող է ամեն ձևով արտահայտվել: Նա նշել է, որ ուղղակի պետք է մտածել’ ում ձեռքը զենք տալ, ում ոչ, «որտեղ թաքցնել զենքը, որ որդին չկարողանա գտնել»: Նրա բնորոշմամբ, Սյունիքի մարզպետ Սուրիկ Խաչատրյանը «զինվորական սինդրոմով տառապող գործիչ է»:

Ա. Ադիբեկյանի կարծիքով, Ս. Խաչատրյանը պետք է պաշտոնանկ լինի:

Մեկ այլ աղբյուր` Aysor.am-ը գրում է, որ Կ. Քոչարյանի խոսքով` հերթական անգամ ցինիկություն է ցուցադրվում, քանի որ Սուրիկ Խաչատրյանը հայտարարում է, թե դադարեցրել է իր լիազորությունները, իսկ կառավարությունն ասում է’ չի դադարեցրել: 

Նրա համար արդեն իսկ ծիծաղելի է պաշտոնի ժամանակավոր դադարեցումը. «Եթե չլինի արդարադատություն, մեր երկրում մի կողմից կզարգանա «սամասուդությունը», մյուս կողմից’ «լիսկայությունը»: Արդեն այն աստիճանի են սանձերը բաց թողել, հաբրգել, որ հետագայում ոչ ոք չի կարողանալու նրանց սանձահարել»,- ասել է նա:

«Ինչո՞ւ մյուս մարզպետներին բան չեն ասում, այլ հենց Սուրեն Խաչատրյանին ու Վարդանիկին են ասում: Էդ ինչո՞ւ հենց միայն Սուրեն Խաչատրյանի ու Վարդան Ղուկասյանի տանն են խուզարկում ու զենք փնտրում, որովհետև այդ մարդիկ քայլող կրիմինալներ են»,- ասել է նա:

Նրա խոսքով՝ Հայաստանը ամբողջությամբ պետք է «լիսկայաթափել»: