Մինչ կառավարությունը պատրաստվում է հուլիսի 1-ից բարձրացնել նվազագույն աշխատավարձը՝ 35 հազար դրամից այն դարձնելով 45 հազար դրամ, «Ժամանակին» հասած տեղեկություններով՝ պետական մի շարք հիմնարկներում կրճատումներ են գնում։
«Մասնավորապես, կրճատումներ կան ոստիկանությունում եւ դպրոցներում։ Արդյունքում՝ կավելանա գործազուրկների բանակը։ Ի դեպ, այսօր կառավարության նիստի քննարկմանն է ներկայացվելու նվազագույն աշխատավարձի մասին օրենքի նախագիծը, որով կառավարությունը պատրաստվում է համապատասխան փոփոխություն կատարել։ Նշենք, որ կառավարությունը չի բացահայտում, թե ինչ միջոցներով է բարձրացնելու աշխատավարձը, քանի որ այս տարվա բյուջեով նման բան նախատեսված չէ։ Աշխատանքի եւ սոցապ նախարար Արտեմ Ասատրյանի խոսքով՝ փոփոխության համար անհրաժեշտ է 6 մլրդ դրամ»,- գրում է «Ժամանակը» (Մանրամասները՝ թերթի այսօրվա համարում):
