Ակտիվիստները պահանջում են Սուրիկ Խաչատրյանին քրեական պատասխանատվության ենթարկել

Մի խումբ ակտիվիստներ, որոնց շարքում էին նաև «Բարև Երևան» դաշինքի անդամներ, այսօր կառավարության շենքի դիմաց բողոքի ակցիա էին անցկացնում՝ պահանջելով քրեական պատասխանատվության ենթարկել Սյունիքի մարզպետի պաշտոնից այսօր հեռացված Սուրիկ Խաչատրյանին, ով հրաժարական էր ներկայացրել հունիսի 1-ին Գորիսի իր տան մոտակայքում տեղի ունեցած սպանությունից հետո։

Բողոքի ակցիային ներկա «Բարև Երևան» դաշինքի անդամ Դավիթ Սանասարյանը Tert.am-ի հետ զրույցում ասաց, որ իրենց չի բավարարում Սուրեն Խաչատրյանին միայն զբաղեցրած պաշտոնից ազատելու պահանջը: «Ստացվում է այնպես, որ Գորիսում կատարվածի առթիվ Սուրեն Խաչատրյանը մի փոքր ցավ էր ապրել և խնդրեց ազատել իրեն պաշտոնից, կառավարությունն էլ բավարարեց նրա խնդրանքը»,- նշեց նա՝ պահանջելով, որ մարզպետին ոչ թե իր դիմումի համաձայն աշխատանքից ազատեն, այլ ուղղակի հեռացնեն և դատապարտեն:

 

Հետևեք մեզ նաև Telegram-ում