Թքած ունեմ բոլոր վտանգների վրա. Գևորգ Պետրոսյան

ԵՐԵՎԱՆ, 16 ՄԱՅԻՍԻ, Facebook: Հարգելի համաքաղաքացիներ, ԲՀԿ խմբակցության անունից այսօր առավոտյան արդեն պաշտոնական շրջանառության մեջ է դրվել օրենսդրական նախագիծ, որով նախատեսվում է քրեականացնել 16 տարին չլրացած անձանց շրջանում ոչ ավանդական սեռական կողմնորոշման քարոզը, ֆեյսբուքյան իր էջում տեղեկացնում է ՀՀ ԱԺ ԲՀԿ խմբակցության պատգամավոր Գևորգ Պետրոսյանը.

«Գիտեք՞ խայտառակությունն ինչում է, որ ինձ անուղղակիորեն «ծանուցեցին», որ իմ այդ ջանքը շատ ծանր կարող է նստել ինձ վրա…

Ուրեմն ասեմ…

Թքած ունեմ բոլոր վտանգների վրա։ Իմ քաղաքական ուժի հետ մինչև վերջ պայքարելու եմ այդ արատավոր երևույթի դեմ՝ ցանկացած վերջաբանի ակնկալիքով…», – գրել է Պետրոսյանը:

Գևորգ ՊԵՏՐՈՍՅԱՆ