ԵՐԵՎԱՆ, 11 ՀՈՒՆԻՍԻ, ԱՐՄԵՆՊՐԵՍ: Շախմատի Հայաստանի տղամարդկանց թիմի անդամ Լևոն Արոնյանը Նորվեգիայի մրցաշարում առաջատարների շարքում է:
«Արմենպրես»-ի հաղորդմամբ՝ Norway chess-ի 6-րդ տուրում Արոնյանի մրցակիցը ԱՄՆ-ից Ուեսլի Սոն էր: Գրոսմայստերները դասական պարտիան ավարտեցին ոչ-ոքի, իսկ արագ շախմատում հաղթանակ տոնեց Արոնյանը:
Այժմ Արոնյանը 7,5 միավորով երրորդ տեղում է: 9,5 միավորով առաջատարն աշխարհի չեմպիոն Մագնուս Կարլսենն է:
