ԵՐԵՎԱՆ, 17 ՀՈՒՆԻՍԻ, ԱՐՄԵՆՊՐԵՍ: Ազգային ժողովի խորհուրդը յոթերորդ գումարման երկրորդ նստաշրջանի օրակարգում լրացումներ կատարելու մասին նախագծում ընդգրկել է 20, հունիսի 18-ին գումարվող հերթական նիստերի օրակարգի նախագծում` 35 հարց: «Արմենպրես»-ի հաղորդմամբ՝ օրակարգերի նախագծերը հաստատվել են հունիսի 17-ին ԱԺ նախագահ Արարատ Միրզոյանի նախագահությամբ տեղի ունեցած խորհրդի նիստում:
Քննարկվել եւ հաստատվել են Ազգային ժողովի յոթերորդ գումարման երկրորդ նստաշրջանի օրակարգում լրացումներ կատարելու մասին եւ հունիսի 18-ին գումարվող հերթական նիստերի օրակարգի նախագծերը, սահմանվել է հերթական նիստերի օրակարգային հարցերի քննարկման հաջորդականությունը:
«ՀՀ 2018 թվականի պետական բյուջեի կատարման տարեկան հաշվետվությունը հաստատելու մասին» ԱԺ որոշման նախագիծը կքննարկվի հունիսի 19-ի առաջին նիստում:
