Իշխանությունները Վենետիկի հանձնաժողովի մասով երկակի մոտեցում ունեն
Նմանատիպ
Արդարադատության նախարարը դիմել է Վենետիկի հանձնաժողով Ստամբուլյան կոնվենցիայի մասով կարծիք ստանալու համար: Այս մասին տեղեկատվություն է տարածել արդարադատության նախարարությունը:
Հայտարարության մեջ «մութ կետեր» չէինք փնտրի, եթե հայրենի իշխանությունները որոշ ժամանակ առաջ չհայտարարեին, թե Վենետիկի հանձնաժողովի տեսակետը հայաստանյան իրավական համակարգի ու սահամանադրական դատարանի շուրջ ստեղծված իրավիճակի մասին այդքան էլ էական չէ, ու «հանձնաժողովում չեն տիրապետում, թե Հայաստանում ինչ է կատարվում»:
Ակամա հարց է առաջանում` ինչպե՞ս է ստացվում, որ մի դեպքում Վենետիկի հանձնաժողովի փորձագետների տեսակետը չի կարևորվում, մյուս դեպքում` նախարարն անձամբ է դիմում եվրոպական կառույցին: Ենթադրելի է, որ հասարակության համար խիստ զգայուն այս փաստաթղթի` Ստամբուլյան կոնվենցիայի հնարավոր վավերացման ապահովագրության համար է նախարարությունը դիմել Վենետիկին: Այսինքն` եթե ընդունվի այն, ապա հասարակությանը, որպես արդարացում, հրամցնեն, թե եվրոպացիներից «դաբրո» են ստացել:
Աղբյուր՝ Irates.am
Հետևեք մեզ նաև Telegram-ում