Էրդողանը տեղի տվեց

Թուրքիայի վարչապետ Ռեջեփ Թայիփ Էրդողանն ի վերջո տեղի տվեց ցուցարարների ճնշումներին: 13 օր շարունակվող կատաղի պայքարից հետո, ցուցարարների ներկայացուցիչները հնարավորություն կունենան հանդիեպել վարչապետի հետ’ քննարկելու ստեղծված իրավիճակը:

Հունիսի 12-ին Թուրքիայի ժամանակով 16:00-ին Թաքսիմի հրապարակի 11 ակտիվիստներ իրենց պահանջը կներկայացնեն վարչապետին : Նրանց թվում ընգրկված են ուսանողներ, ԲՈՒՀ-երի դասախոսներ, արվեստի գործիչներ և տարբեր հասարակական կազմակերպությունների ներկայացուցիչներ:

Էրդողանը մտադիր է մանրամասն ներկայացնել կառավարության դիրքորոշումը’ արտահայտման հնարավորություն ընձեռելով նաև ցուցարարներին:

Կառավարությունից ներկա կլինեն նաև ներքին գործերի, քաղաքաշինության, զբոսաշրջության, շրջակա միջավայրի և մշակույթի նախարարները: Այս մասին տեղեկացնում է Անադոլու գործակալությունը: