Ֆեյսբուքը կդադարի ցույց տալ հավանումների թիվը

ԵՐԵՎԱՆ, 03 ՍԵՊՏԵՄԲԵՐԻ, Analitik.am: «Facebook» սոցիալական ցանցը նախատեսում է թաքցնել օգտատերերի գրառումների հավանումների քանակը: Ինչպես հայտնում է TechCrunch-ը, ծառայության ղեկավարությունը նախատեսում է պաշտպանել օգտատերերին անվերջանալի հայտնի դառնալու ձգտումից և միմյանցից կախվածության մեջ լինելուց: Նշվում է նաև, որ շատերը հնարավորինս շատ հավանումներ ստանալու համար օգտագործում են անձնական նամակները։

Օգտատերերից մեկը՝ Ջեյն Մանչուն Վոնգը նկատել է, որ Facebook սոցիալական ցանցը ստեղծել է թաքնված պատուհաններ՝ Android հավելվածում թաքնված հավանումների համար: Ավելի ուշ ծառայության աշխատակիցները հաստատել են, որ քննարկում են այդ հնարավորությունը, բայց մինչ այժմ այդ գործառույթը հասանելի չէ օգտատերերին:

Նշվում է, որ, ամենայն հավանականությամբ, Facebook-ն աստիճանաբար կներկայացնի այդ հնարավորությունը: Գործառույթը կդադարեցվի, եթե այն զգալիորեն խանգարի օգտատերերին կամ նվազեցնի գովազդի եկամուտները: