New York Times և The New Yorker ամսագրերը անդրադարձել են Լուսինե Գրիգորյանի և Գյուրջիև անսամբլի համերգային շրջագայությանը՝ նվիրված Կոմիտասի 150 ամյակին

Լուսինե Գրիգորյանը և Գյուրջիև անսամբլը համերգային շրջագայությամբ ներկայացել են Լիսբոնում, և շարունակում են ելույթները ԱՄՆ-ի Չիկագո, Նյու Յորք և Պասադենա քաղաքներում, որոնք նվիրված են Կոմիտասի և Գյուլբենկյանի 150 ամյակին։ Համերգների ընթացքում Լուսինե Գրիգորյանի կատարմամբ հնչել են Կոմիտասի դաշնամուրային ստեղծագործությունները, և այդ նույն ստեղծագործությունները, որոնք Լևոն Էսկենյանը՝ Գյուրջիև անսամբլի ղեկավարը, փոխադրել է ժողովրդական գործիքների համար, կատարել է Գյուրջիև անսամբլը։

Տպավորիչ ելույթից հետո, ամերիկյան հայտնի ամսագիր New York Times-ը՝ իր հոդվածում, անդրադարձել է Գյուրջիև անսամբլին՝ մանրամասնելով Գյուրջիևի և նրա երաժշտության մասին։ The New Yorker ամսագիրը նույնպես խոսել է Կոմիտասի և Գյուրջիև անսամբլի մասին։

Լուսինե Գրիգորյանի և Գյուրջիև անսամբլի բազմաթիվ համերգային ծրագրեր մեծ ոգևորությամբ ընդունվել են Հարավային Ամերիկայի, Եվրոպայի, Միջին Արևելքի ավելի քան 26 երկրների լավագույն համերգասրահներում և միջազգային հեղանակավոր փառատոններում։

Նշենք նաև, որ Գյուրջիև անսամբլը աշխարհի ամենահեղինակավոր մրցանակաբաշխություններից մեկի՝ հոլանդական «Edison Award»-ի մրցանակակիր է:

«Գյուրջիև» անսամբլ