Ադրբեջանի ֆուտբոլի երիտասարդական հավաքականի ֆուտբոլիստին թույլ չեն տվել մուտք գործել Ֆրանսիա

ԵՐԵՎԱՆ, 9 ՀՈԿՏԵՄԲԵՐԻ, Tert.am: Ադրբեջանի մինչև 21 տարեկանների ֆուտբոլի ազգային հավաքականի կիսապաշտպան Թուրալ Բայրամլըին Փարիզի Շառլ դե Գոլի անվան օդանավակայանի սահմանապահները թույլ չեն տվել մուտք գործել Ֆրանսիա: Այս մասին տեղեկացնում է Minval.az կայքը:

Պատճառը, ըստ որի ադրբեջանցի կիսապաշտպանին չեն թույլատրել մուտք գործել Ֆրանսիա, չի նշվել: Ադրբեջանի և Ֆրանսիայի ֆուտբոլի ֆեդերացիաները քննարկում են և փորձում են հասկանալ իրավիճակը:

Ֆուտբոլիստն Ադրբեջանի ֆուտբոլի ֆեդերացիայի աջակցությամբ հոկտեմբերի 9-ին կվերադառնա Ադրբեջան: