Հենրիկ Էդոյան․ Մի կողմ դիր զրահներդ
14/10/2019 19:01
Նմանատիպ
Ինչը դու կորցրել ես՝ քոնը չէ ամենևին, քոնն է այն, ինչը նորից վերագտնում ես: Կորուստը
քեզ չի թողնում, դու նրա ցանցում ես:
Մեղքն ինչպես մեդուզա
փաթաթվել է քեզ: Խայթոցը համբույր չէ, ոչ էլ
գազազած լուսինն է
քո սերը: Ազատվիր նշաններից:
Նման եղիր նրան,
ով զրահներ չունի: Քոնն է այն, ինչ գտնում ես
քո նոր երազի մեջ, և նա քեզ կգտնի
վերջնականապես:
Մի կողմ դիր զրահներդ:
Աղբյուր՝ Granish.org
Հետևեք մեզ նաև Telegram-ում