Եկեղեցու պատմության փոխարեն դպրոցներում կդասավանդվի կրոնի պատմություն

ԵՐԵՎԱՆ, 12 ՆՈՅԵՄԲԵՐԻ, Irates.am: «Փաստ»-ի աղբյուրի փոխանցմամբ՝ վերջին քննարկումներում «Հայ Առաքելական եկեղեցու» պատմություն առարկան դպրոցներում դասավանդելու փոխզիջումային տարբերակ կարող է առաջարկվել առարկան ուսումնասիրելը ոչ թե «Հայոց պատմություն» առարկայի սահմաններում, այլ առանձին առարկայի տեսքով, որը կկոչվի «Կրոնի պատմություն» կամ «Կրոնագիտություն», ինչը նշանակում է, որ կուսումնասիրվի ոչ միայն Առաքելական եկեղեցու կամ քրիստոնեության պատմությունը, այլ նաև մյուս կրոններն ու դրանց պատմությունը: Թերթի աղբյուրների պնդմամբ` այժմ տարբերակներ են մտածում, թե ինչպես ազգային ուժերին և հատկապես Հայ առաքելական եկեղեցուն թույլ չտան ակտիվություն ցուցաբերել այս հարցում: