ԵՐԵՎԱՆ, 20 ՆՈՅԵՄԲԵՐԻ, Aysor.am: Սորոսականները կեղծ լուրեր են տարածում, որ Հայաստանում սարսափելի հոմոֆոբիա է տարածված, «Բաց հասարակության հիմնադրամներ Հայաստան» գրասենյակի դիմաց բողոքի ակցիայի ժամանակ հայտարարեց «ՎԵՏՕ» նախաձեռնության հիմնադիր Նարեկ Մալյանը:
«Մել Դալուզյանի հետ ի սզբանե որևէ խնդիր չկար ու չէր էլ եղել: Մի խումբ սորոսի վաստակներ փողի դիմաց սկսեցին տարածել, որ Հայաստանում սարսափելի հոմոֆոբիա է», – ասաց Մալյանը՝ պնդելով նաև, որ իրականությանը չեն համապաստանում իր հոմոֆոբ լինելու մասին լուրերը:
Մալյանն ասաց, որ անձամբ ծանոթ է Դալուզյանի հետ ու նրա անձի հետ որևէ խնդիր չունի:
«Պետությունը ձեր փողից 20 մլն է հատկացնում 22 րոպեանոց ֆիլմի համաֆինանսավորման համար, այսինքն՝ դուք որպես պարտաճանաչ հարկատուներ, որպես խանութում ՀԴՄ պահանջող հպարտ քաղաքացիներ՝ ձեր գրպանից այդ ֆիլմի ամեն րոպեի համար վճարել եք մոտ 1 մլն դրամ», – ասաց Մալյանը:
Նա պնդեց, որ Փաշինյանն ամեն անգամ ծիծաղելի փաստարկներ է բերում ֆիլմի ֆինանսավորման անհրաժետության մասին, մինչդեռ դրանցից ոչ մեկը չի համապատասխանում իրականությանը:
Հիշեցնենք՝ «Մել» ֆիլմի նկարահանման համար ԿԳՄՍ նախարարությունը հատկացրել է 20 մլն դրամ: Փաշինյանն էլ հայտարարել էր, որ Հայաստանը ֆինանսավորել է ֆիլմի միայն այն հատվածը, որը պատմում է Դալուզյանի չեմպիոնության մասին:
