Զիդան․ Լուծում չկա Բեյլի խնդրին, քանի որ չկա այդպիսի խնդիր

ԵՐԵՎԱՆ, 8 ՓԵՏՐՎԱՐԻ, ArmSport.am: Մադրիդի «Ռեալի» գլխավոր մարզիչ Զինեդին Զիդանը Իսպանիայի առաջնության 23-րդ տուրի «Օսասունայի» դեմ խաղի նախախաղյա ասուլիսի ընթացքում անդրադարձել է Գարեթ Բեյլին վերջին խաղերում չհայտավորելու թեմային։

«Նա չի եղել հայտացուցակում վերջին մի քանի խաղերում, քանի որ ես պետք է որոշակի քանակությամբ խաղացողների ընտրեի։ Ես հույս դնում եմ նրա վրա, քանի որ գիտեմ, թե ինչ կարող է նա տալ մեզ։

Խնդիրը ինձնում է։ Մեր կազմը շատ մեծ է։ Ես պետք ընտրություն կատարեմ։ Չկա լուծում Բեյլի խնդրին, քանի որ չկա այդ խնդիրը։ Նրա չհայտավորվելը վերջին մի քանի խաղերին ոչինչ չի նշանակում»,-Զիդանի խոսքերն է մեջբերում Marca-ն։

«Օսասունա» – «Ռեալ Մադրիդ» հանդիպումը կկայանա կիրակի՝ 19։00-ին։