Soccerex․ Ամենամեծ ֆինանսական ներուժ ունեցող ակումբները

ԵՐԵՎԱՆ, 14 ՓԵՏՐՎԱՐԻ, ArmSport.am: Անգլիական Soccerex ընկերությունը գնահատել է ֆուտբոլային ակումբները ըստ իրենց ֆինանսական ներուժի և կազմել համապատասխան վարկանիշ: Ամենամեծ ֆինանսական ներուժ ունեցող ակումբը ճանաչվել է ՊՍԺ-ն, որն առաջ անցավ «Մանչեսթեր Սիթիին»:

Ընկերությունը գնահատել է այնպիսի ֆինանսական ցուցանիշներ, ինչպիսիք են ակումբների խաղային և նյութական ակտիվները, ընթացիկ կանխիկ դրամը, սեփականատերերի հավանական ներդրումները և զուտ պարտքի չափսը: Այս տվյալների հիման վրա յուրաքանչյուր ակումբի համար հաշվարկվել է հատուկ գործակից:

Վարկանիշը կազմելիս բրիտանացիներն օգտագործել են ակումբների ֆինանսական հաշվետվությունները, ինչպես նաև ՈւԵՖԱ-ի, Financial Times- ի, Bloomberg- ի, Yahoo Finance- ի, Forbes- ի, Transfermarkt- ի և Hoover- ի աղբյուրները:

Առաջին տասնյակում ներառված են ՝ 1. ՊՍԺ; 2. «Մանչեսթեր Սիթի; 3. «Բավարիա»; 4. «Տոտենհեմ»; 5. «Ռեալ»; 6. «Արսենալ»; 7. «Չելսի»; 8. «Լիվերպուլ»; 9. «Յուվենտուս»; 10. «Բորուսիա Դորտմունդ»: