Բարսելոնան դժվարին հաղթանակ տարավ Խետաֆեի նկատմամբ (տեսանյութ)

ԵՐԵՎԱՆ, 15 ՓԵՏՐՎԱՐԻ, ArmSport.am: Լա Լիգայի 24-րդ տուրի շրջանակում «Բարսելոնան» սեփական հարկի տակ ընդունեց «Խետաֆեին» (2:1)։

Հանդիպումը բավական ակտիվ սկսեցին հյուրերը, ովքեր 22-րդ րոպեին կարողացան բացել խաղի հաշիվը, սակայն, մրցավարը կանոնների խախտման պատճառով չեղարկեց այն:

Հանդիպման առաջին գոլը գրանցվեց 33-րդ րոպեին, երբ Մեսսիի փոխանցումից հետո մրցակցի դարպասը գրավեց Անտուան Գրիզմանը:

39-րդ րոպեին կատալոնական ակումբը կրկնապատկեց հաշիվը: Գոլի հեղինակ դարձավ Ռոբերտոն:

Երկրորդ կեսում «Խետաֆեն» կարողացավ կրճատել հաշվի տարբերությունը: Այն հեղինակեց Մատան:

Այսպիսով, «Բարսելոնան» վաստակեց 52 միավոր և հավասարվեց Մադրիդի «Ռեալին», սակայն Զիդանի գլխավորած թիմը մեկ հանդիպում պակաս է անցկացրել: «Խետաֆեն» մնաց երրորդ հորիզոնականում:

Այսպիսով, «Բարսելոնան» վաստակեց 52 միավոր և հավասարվեց Մադրիդի «Ռեալին», սակայն Զիդանի գլխավորած թիմը մեկ հանդիպում պակաս է անցկացրել: «Խետաֆեն» մնաց երրորդ հորիզոնականում: