Վախճանվել է Երվանդ Մանարյանը

ԵՐԵՎԱՆ, 20 ՓԵՏՐՎԱՐԻ, Irates.am: 96 տարեկանում վախճանվել է ժողովրդական արտիստ, ռեժիսոր, սցենարիստ, դերասան Երվանդ Մանարյանը։ Նա նկարահանել է վավերագրական և գեղարվեստական ֆիլմեր, գրել է սցենարներ «Տժվժիկ», «Տերն ու ծառան» և այլ ֆիլմերի համար, նկարահանվել է հայտնի ֆիլմերում։

Երվանդ Մանարյանը հիմնել է «Ագուլիս» տիկնիկային թատրոն-ստուդիան։
2003-ին Երվանդ Մանարյանին շնորհվել է Հայաստանի վաստակավոր արտիստի կոչում, 2018-ին՝ ժողովրդական արտիստի կոչում, 2019-ին էլ՝ Երևանի պատվավոր քաղաքացու կոչում։