Գլխավոր դատախազությունը Նիկոլ Փաշինյանի օրոք որքա՞ն պարգևավճար է ստացել

ԵՐԵՎԱՆ, 21 ՓԵՏՐՎԱՐԻ,  Yerkir.am: Yerkir.am-ը գրավոր հարցում էր ուղարկել ՀՀ Գլխավոր դատախազ Արթուր Դավթյանի անունով՝ խնդրելով տեղեկություններ այն մասին, թե որքա՞ն է կազմել իր ղեկավարած հիմնարկի աշխատակիցներին վճարված պարգեւավճարների չափը՝ 09.05.2018 թվականից մինչեւ 31.01.2020 թվականը, այն է՝ Փաշինյանի օրոք:

«Ստացված գրավոր պատասխանում (կցվում է) նշված է, որ 2018 թ. մայիսի 9-ից մինչեւ 2020 թ. հունվարի 31-ն ընկած ժամանակահատվածում ՀՀ դատախազության աշխատակիցներին տրամադրված պարգեւավճարների ընդհանուր չափը կազմել է 1.276.561.050 ՀՀ դրամ (շուրջ 2 միլիոն 676 հազար դոլար):

Հայտնենք, որ ՀՀ վարչապետի 2018 թվականի հունիսի 11-ի որոշմամբ սահմանվել է ՀՀ դատախազության աշխատողների առավելագույն թվաքանակը՝ 629 հաստիք, նախկին 673 հաստիքի փոխարեն (կրճատվել է 44-ով):

ՀՀ Գլխավոր դատախազության պարգեւավճարների աստղաբաշխական այս թիվը որոշակիորեն մոտ է ՀՀ ֆինանսների նախարարության պարգեւավճարների ահռելի թվին (1.223.510.236 դրամ (շուրջ 2 մլն. 562 հազ. դոլար): Ֆիննախի աշխատակիցների ընդհանուր թիվը նշված ժամանակահատվածում տատանվել է (նվազել է) 556 – 390-ի միջեւ»,-ասված է հրապարակման մեջ: