Չելսին չեղարկել է մարզումը․ ֆուտբոլիստները կորոնավիրուսի թեստ են անցել

ԵՐԵՎԱՆ, 12 ՄԱՐՏԻ, ArmSport.am: Լոնդոնի «Չելսին» չեղարկել է այսօր նախատեսված մարզումը։

«Կապույտների» բոլոր ֆուտբոլիստները այսօր կորոնավիրուսի թեստ են անցել։ Հաղորդվում է, որ բոլոր թեստերը բացասական պատասխան են ունեցել։

Նաև նշվում է, որ ֆուտբոլիստների մոտ կորոնավիրուսի ախտանշաններ չկան։

Ավելի վաղ հայտնի էր դարձել, որ «Լեսթերի» երեք ֆուտբոլիստ մեկուսացվել է կորոնավիրուսի կասկածանքով։