Մեկնարկում է «Ամեն ինչ մուլտի մասին» նախագիծը

ԵՐԵՎԱՆ, 23 ՄԱՐՏԻ, Irates.am: Հայաստանի ազգային կինոկենտրոնի և Հայաստանի կինեմատոգրաֆիստների միության նախաձեռնությամբ webtv.am youtube-յան մշակութային հեռուստաալիքում ստեղծվել է #ԱմենԻնչՄուլտիՄասին նախագիծը, որտեղ արդեն իսկ կարելի է դիտել 14 լավագույն հայկական մուլտեր և անիմացիոն ֆիլմեր: Ամեն օր մուլտերի ու անիմացիոն ֆիլմերի ցանկը կհամալրվի:

Այս մասին տեղեկանում ենք ԿԳՄՍՆ ֆեյսբուքյան էջից: Նշված է նաև, որ այդ ֆիլմերը ստեղծողները և այլ ստեղծագործողներ՝ ռեժիսորներ, օպերատորներ, կինոգետներ ու կպատմեն շատ հետաքրքիր պատմություններ: Առաջինը մուլտարվեստի մասին կպատմի հայկական անիմացիայի լավագույն անուններից մեկը՝ ռեժիսոր, նկարիչ, անիմատոր Նաիրա Մուրադյանը: Այս հարթակում կարող եք դիտել նրա վերջին աշխատանքներից՝ «Ամանոր» և «Կիկո» հրաշալի գործերը:
Հարթակին կարելի է միանալ հետևյալ հղումներով՝ Webtv.am, Մուլտարվեստի մասին, #ՄնաՏանը, #ԱմենԻնչՄուլտիՄասին: